Novas
O BNG leva as alegacións da Confraría de Pescadores sobre a dragaxe da Ría aos plenos da Coruña, Oleiros, Cambre e Culleredo
23/set./2020
O Bloque Nacionalista Galego fai súas as alegacións da Agrupación de Marisqueo a Pé da Confraría de Pescadores da Coruña e a Plataforma en Defensa da Ría perante o Plano de Dragaxe e Rexeneración da Ría do Burgo –formuladas xa tempo atrás e contidas nun escrito entregado por estas entidades o pasado venres á Delegación do Goberno- e vainas trasladar en forma de Declaración Institucional aos plenos que este xoves van ter lugar nos concellos de Oleiros, Cambre e Culleredo e a do próximo 1 de outubro no da Coruña.
