Comisión de seguimento do contrato de Nostián

O portavoz do BNG en María Pita, Francisco Jorquera, empraza o Goberno Local a que convoque a comisión especial de seguimento do proceso de licitación do servizo de tratamento e eliminación de residuos sólidos urbanos para explicar as razóns do sobrecusto do contrato de Nostián (por volta de 65 millóns de euros máis do inicialmente previsto).

Esta mañá realizouse, no salón vermello do Pazo de María Pita, unha xuntanza da Comisión Especial sobre a planta de Nostián. Esta comisión constituíse a raíz dunha proposta do BNG, en forma dunha emenda a unha moción que acabou sendo transaccionada co PSOE. A iniciativa foi aprobada no Pleno do pasado mes de marzo.

 

 

A Comisión Informativa Especial de seguimento do proceso de licitación do servizo de tratamento e eliminación de residuos sólidos urbanos -este é o nome oficial- ficou constituída este mércores 4 de xuño nunha reunión que tivo lugar no salón vermello do Pazo de María Pita.