A creación desta comisión é produto dunha proposta formulada polo BNG no Pleno de marzo deste ano -feita en concreto polo portavoz nacionalista, Francisco Jorquera. Foi votada favorabelmente polo grupo socialista e en contra polo PP.

“Estamos a falar do contrato máis importante que debe licitar o Goberno Local neste mandato”, remarca Jorquera, quen vai representar o BNG na comisión.

“O fundamental para o BNG é que se axilice a licitación dun contrato que garanta o funcionamento de Nostián como un modelo alternativo a Sogama, como un modelo que teña como propósito a reciclaxe e a compostaxe”, conclúe.