O candidato do BNG á Alcaldía da Coruña, Francisco Jorquera, considera como “feitos gravísimos” os que levan a Fiscalía a investigar as concesionarias dos servizos de limpeza e de recollida do lixo como presuntas cooperadoras dun delito de corrupción dentro do caso STL.

A decisión do Goberno Local de vetar o uso do escano cidadán a un traballador do servizo de limpeza viaria só se explica polo desexo do Goberno Local de que non se dea visibilidade ao caso STL no último pleno do mandato.

O portavoz do BNG no Concello, Francisco Jorquera, vai defender unha moción no Pleno do vindeiro 13A por medio da cal insta o Goberno Local a que abra unha investigación sobre o caso STL coa perspectiva de, se ficaren probados os feitos obxecto das pesquisas, “exercer coa máxima contundencia a potestade sancionadora, incluída a rescisión dos contratos de concesión”.

O portavoz do BNG no Concello, Francisco Jorquera, cualificou esta mañá de “tardía, contraditoria e vacilante” a resposta dada polo Goberno Local ao caso STL, unha vez aberta unha investigación sobre graves irregularidades nos procesos de contratación do servizo de limpeza do Concello.