Bibliotecarias en folga

O portavoz do Goberno Local, José Manuel Lage, anunciou durante a sesión vespertina do Pleno de xullo que o Executivo coruñés vai encargar un informe para estudar a unificación da rede das bibliotecas municipais –unha parte delas son xestionadas de forma directa, a outra están concesionadas a unha empresa privada.

A súa situación é "surrealista". Acaban de ir á folga porque a concesionaria dun servizo municipal non lles está a pagar os seus salarios en tempo e forma. Chove sobre mollado. Xa en 2019 viviron unha situación similar. A responsabilidade, denuncia Avia Veira, é da empresa, mais tamén do Goberno Local e, nomeadamente, da alcaldesa, desde que asumiu a carteira de Cultura no Executivo coruñés.

O asunto é moi grave e ímolo levar ao Pleno do Concello do xoves 7 de xullo.