Asemblea Local do BNG

"Temos a ilusión e a confianza de que podemos acadar un resultado que sitúe o BNG como o goberno que A Coruña precisa para ser a cidade líder do noso país", afirma Ignacio Siota, o noso responsábel local.

 

Este mércores, unha moi participativa Asemblea Local do BNG elixiu por unanimidade a listaxe de catorce persoas que van conformar o novo Consello Local da formación nacionalista na cidade. A candidatura volve estar encabezada como responsábel local por Ignacio Siota.

A Asemblea Local do BNG da Coruña –que se realizou este serán nun ateigado salón de actos do Centro Cívico da Cidade Vella- aprobou por amplísima maioría, cunha soa abstención, o Acordo de Investidura ao que se chegou co grupo municipal socialista.