Área Metropolitana da Coruña

Problemas básicos para a veciñanza da Coruña como a mobilidade ou a xestión do lixo non son abordábeis na súa plenitude sen que se articule a nosa cidade e a súa contorna como o que xa é na práctica, unha realidade metropolitana.

O Parque de Eirís -moi perto das ruínas do coñecido como Castelo de Valparaíso, desde o que se enxerga unha espectacular vista da baía coruñesa- acolleu este martes unha reunión de candidatas e candidatos do BNG da cidade e da comarca coa portavoz nacional Ana Pontón. A líder nacionalista chamou a concentrar na lista liderada por Jorquera o voto das persoas que queren unha Coruña en grande, sustentábel, feminista e de vangarda.

O pasado mes de agosto, o Goberno Local e a Marea Atlántica anunciaron en conferencia de prensa que en setembro terían xa ultimado o anteproxecto de Área Metropolitana da Coruña para a súa remisión ao Parlamento de Galiza, a cámara con competencias para a creación deste entre supramunicipal.