Ao BNG os tres anos de mandato de Inés Rey merécenlle unha avaliación crítica. Ao Goberno Local faltoulle “impulso”, non achegou á vida municipal nin a estabilidade nin o diálogo que prometía e en todo momento a súa xestión se viu lastrada porque carece dun “proxecto claro de cidade”. Así o considera o portavoz do BNG en María Pita, Francisco Jorquera, quen ofreceu unha conferencia de prensa canda a concelleira nacionalista Avia Veira.