Presentamos hoxe as nosas alegacións á Ordenanza da ORA
Presentamos as nosas alegacións á ordenanza da ORA lembrando que o Goberno municipal aínda non levou a cabo no que vai deste mandato ningunha política de mobilidade alternativa e que os cambios importantes na ordenanza viran dados polas súas emendas
A eliminación do chamado “parking exprés”, a eliminación da obrigatoriedade de introducir a matrícula do vehículo, a solicitude da posibilidade uso en zonas de residentes a persoas traballadoras durante a xornada laboral, ou a exención do pago da ORA para persoas con discapacidade, entre as emendas que fixemos
Avia Veira: “Con estas alegacións pretendemos introducir modificacións máis atrevidas que as inicialmente propostas polo Goberno municipal; desde o BNG seguimos sen entender como desde a Concellaría de Mobilidade Sostíbel non se asumiu unha reforma máis profunda da ordenanza, e o por que esta reforma é a primeira medida en mobilidade que se toma despois de ano e medio de mandato”
