A Coruña, 27 de setembro de 2015.- Despois do levantamento da xuíza de Lara de parte do segredo sumarial da trama Pokemon, o BNG sinala que cada día que pasa é máis necesario que se depuren xa todas as responsabilidades de todas as persoas implicadas, caia quen caia e con independencia da afiliación política.

As nacionalistas, que desde o principio solicitaron máxima colaboración coa xustiza, que se enviase ao xulgado toda a documentación do Concello en relación con Vendex e que se depurasen todas as responsabilidades con independencia das persoas e das organizacións políticas e con independencia de caia quen caia, seguen reafirmándose en todo o que sostiveron desde o principio.