A Coruña, 3 de xullo de 2013.- O BNG da Coruña organiza mañá, xoves 4 de xullo, ás 20h, no local da AC Alexandre Bóveda (Olmos 16-18) unha conferencia de Pilar García Negro para conmemorar o 77 aniversario do plebiscito do Estatuto do 28 de xuño de 1936, estatuto que o pobo galego referendou por amplísima maioría (99,24%).

A profesora da UdC e ex deputada nacionalista contará todos os aspectos históricos do Estatuto para, posteriormente, debater coas persoas que participarán neste acto público.