Solicitamos os informes da Asesoría xurídica e da Intervención sobre o acordo extraxudicial de Nostián
Desde o momento en que se coñeceu (Xunta de Goberno Local do pasado 24 de febreiro) o acordo extraxudicial do Concello coa concesionaria da planta de tratamento de residuos de Nostián, o portavoz do BNG, Francisco Jorquera, demandou transparencia do Goberno Local sobre o asunto.
É por iso que Jorquera -que esta mañá participou na Comisión de Transparencia- rexistrou o pasado 3 de marzo a petición de documentación relativa a esta cuestión, en concreto os informes da asesoría xurídica e da intervención xeral do Concello.
“Demandamos transparencia, que se nos explique que informes xurídicos e de índole económico avalan ese acordo extraxudicial. Son necesarios para formarmos unha opinión fundada sobre o asunto”, afirma Jorquera.
Máis novas
