“Cando vai recuperar o Goberno Local o Programa de Lecer?”, ese é o teor literal da pregunta que formulará a concelleira nacionalista durante a sesión de control ao Executivo coruñés.

“Pasan os días, avanzan as semanas, e o Programa de Lecer continúa paralizado, as traballadoras e traballadores continúan sen traballo e sen cobrar os atrasos, e continúan, un mes máis, sen saber nada da subrogación a outra empresa, anunciada polo concelleiro de Cultura no Pleno pasado”, refire Queixas.

“E continúan as formadoras e formadores do Programa de Lecer sen seren recibidos pola alcaldesa, tal e como ela se comprometera no seu día”, critica Queixas, quen insta o Goberno Local a que poña xa a data ao reinicio das actividades dunha iniciativa cultural “acompañada por miles de usuarias e usuarios”.

“Queremos saber cando o Goberno Local vai demostrar que si está comprometido coa cultura de base e co respecto dos dereitos laborais das súas traballadoras e traballadores”, conclúe.