Reforma de Riazor

O portavoz do BNG no Concello, Francisco Jorquera, lamenta que o proxecto da Coruña como sede do mundial de fútbol masculino 2030 fose presentado, elaborado e anunciado “sen consensuar o seu contido cos grupos municipais, que coñecemos as características do proxecto unicamente a través dos medios de comunicación”.

Cando o resto das instalacións deportivas da cidade son insuficientes para atender unha crecente demanda -dado o grande incremento da práctica deportiva-, ten sentido que o Concello se comprometese a reformar e ampliar o estadio de Riazor até os 48 mil espectadoras/es cun investimento de aproximadamente 90 millóns de euros?