ordenanzas-fiscais

#NoPleno Que propuña o PP no Pleno sobre as Ordenanzas Fiscais do 10 de decembro de 2020? Pois basicamente que o Concello fixese o que o propio PP non fai á fronte da Xunta da Galiza. O noso portavoz Francisco Jorquera desvéndao nesta intervención plenaria.

O portavoz do BNG en María Pita, Francisco Jorquera, interveu no Pleno en que se debateron e votaron as mudanzas nas ordenanzas fiscais. O BNG abstívose na maior parte delas, non por estar en desacordo co seu contido, senón por unha cuestión de formas: a tramitación do asunto por parte do Goberno Local estivo caracterizada pola improvisación, a falta de planificación e a ausencia de diálogo coas forzas da oposición.

O Goberno Local xestionou con “improvisación”, “falta de planificación” ,“atropelamento” e "ausencia de diálogo coa oposición" a tramitación das mudanzas nas ordenanzas fiscais, até o punto de os grupos municipais da oposición non teren acceso “a toda a documentación destes expedientes até onte a primeira hora da mañá”.

Nunha primeira achega ás mudanzas introducidas polo Goberno Local nas ordenanzas fiscais, sancionadas este martes nunha xunta de goberno convocada de xeito urxente e extraordinario, o portavoz do BNG en María Pita, Francisco Jorquera, quer facer a seguinte avaliación: 

Non podemos mais que cualificar de esquizofrénica a actuación do Goberno municipal a respecto da aprobación das ordenanzas fiscais prevista para hoxe en Xunta de Goberno Local

Preguntamos precisamente no Pleno ordinario deste pasado luns para cando se nos achegarían as propostas sobre as que estaban traballando o Executivo local, polo que a convocatoria, de xeito urxente para hoxe da Xunta de Goberno, realizada do martes ás 13.32 h para hoxe as 13.00 h, fai que teñamos poucas ou case ningunha posibilidade de poder preparar de xeito mínimo a reunión

A actitude de Eugenia Vieito e do Goberno da Marea é máis propia de nenos de patio de colexio que dun Executivo municipal: agochan información nunha resposta a unha pregunta oral e convocan de xeito urxente e a última hora unha reunión na que se tratarán até 10 proxectos de modificación de ordenanzas fiscais, sen tempo para que podamos facer un estudo rigoroso. Desde logo a súa forma de actuar é idéntica á que amosaba o Partido Popular no seu mandato