Novo contrato do bus

Na quenda das preguntas orais, Avia Veira interpelou o Goberno Local sobre a non licitación a tempo do novo contrato do bus urbano para este entrar en vigor a 1 de xaneiro, tendo en conta que o actual caduca en decembro.

Que a estas alturas, cando a actual concesión remata a finais de decembro, o Goberno Local non licitase o novo contrato do transporte público urbano constitúe unha “neglixencia” e resulta dunha falta de planificación “incomprensíbel”, afirma a concelleira do BNG Avia Veira.