Mundial 2030

A proposta de reparto de cargas financeira feita en primeira instancia polo Goberno Local para a reforma do estadio de Riazor -40% a Xunta, 20% a Deputación, 30% unha sociedade de capital privado, 10% o Concello- está a bater coa posición manifestada polas outras administracións públicas concernidas.

O portavoz do BNG no Concello, Francisco Jorquera, lamenta que o proxecto da Coruña como sede do mundial de fútbol masculino 2030 fose presentado, elaborado e anunciado “sen consensuar o seu contido cos grupos municipais, que coñecemos as características do proxecto unicamente a través dos medios de comunicación”.