As e os mariscadores reciben axudas -após se mobilizaren e após o BNG ter impulsado múltiples iniciativas- ao non poderen desenvolver a súa actividade profesional mentres se realizan os labores de dragaxe na Ría do Burgo.

A dragaxe da Ría do Burgo é un proxecto que vai desenvolver a Administración central do Estado no dominio público marítimo terrestre e a súa realización vai ser incompatíbel coa práctica do marisqueo quer a pé quer a flote durante no mínimo 26 meses. É por isto que as e os mariscadores teñen que ser compensados polo cesamento forzoso da súa actividade.