En resposta a unha pregunta oral formulada por Francisco Jorquera, o portavoz do Goberno Local, José Manuel Lage, avanzou que en 2024 o Concello licitará conxuntamente a xestión dos complexos deportivos do Castrillón e San Diego.

O portavoz do BNG no Concello, Francisco Jorquera, dirixe un feixe de preguntas por escrito ao Goberno Local para saber se é consciente da deterioración que sofren as instalacións do Complexo Deportivo de San Diego, “con graves déficits de mantemento que afectan múltiples elementos”, desde “teitos de vestiarios caídos” até máquinas de ximnasio “obsoletas”.