Asentamentos precarios

En febreiro pasado, a concelleira do BNG Avia Veira dirixiu unha pregunta por escrito ao Goberno Local a respecto dos asentamentos precarios que existen na nosa cidade e, máis en concreto, en relación a unha afirmación da concelleira de Benestar Social, Yoya Neira, que non se axusta á realidade, a de que co desmantelamento do poboado da Pasaxe concluía o fenómeno das infra-vivendas na nosa cidade.

A concelleira do BNG Avia Veira inquire por escrito o Goberno Local sobre o desmantelamento do asentamento precario da Ponte Pasaxe e, en concreto, sobre as medidas que ten impulsado para a “inserción laboral” das persoas que moraban nese núcleo.