Alexandra Fernández

O Bloque da Coruña realiza este xoves 12 de decembro (19.30 h, Centro Cívico da Cidade Vella) o seu cuarto Fío Directo co BNG, desta volta sobre o problema do acceso á vivenda na nosa cidade, un acto que se enmarca na campaña que a formación nacionalista lanzou co rótulo “Vivir na Coruña...é imposíbel”.

PP e PSdeG acaban de tombar no Parlamento galego a proposición non de lei presentada polo BNG para instar a Xunta a someter o Plan Especial de Labañou M-18 -coñecido popularmente como “As Percebeiras”- ao procedemento de avaliación ambiental estratéxica ordinaria, e non pola vía simplificada como está previsto, co obxectivo de poder avaliar así pormenorizadamente un plan que vai ter un “impacto terríbel” na fachada litoral e na paisaxe urbana da cidade.

A nosa deputada no Parlamento galego Alexandra Fernández vai levar a voz da veciñanza de Labañou ao Parlamento galego: non queremos máis un muro de cemento na beiramar. Os ecos do pasado -, os pelotazos, a especulación urbanística a custa do ben común- ímolos deixar ben atrás.

A Xunta debe darlle curso ao Proxecto das Percebeiras a través do Trámite de Avaliación Ambiental Estratéxica Ordinaria, após o ter submetido ao trámite simplificado, para que inclúa o estudo do impacto paisaxístico.