Novas

O portavoz do BNG no Concello, Francisco Jorquera, sae ao paso das declaracións realizadas onte pola alcaldesa a respecto do anuncio feito polo grupo municipal nacionalista sobre os orzamentos para 2025.

No curso do Pleno extraordinario habido esta mañá, o portavoz do grupo municipal do BNG, Francisco Jorquera, anunciou que a formación nacionalista non ve posíbel o acordo sobre os orzamentos do Concello para 2025 ao se producir unha “creba do principio de confianza” cun Goberno Local que continúa sen cumprir a maioría dos pactos asinados co Bloque, quer o de investidura quer o das contas do Concello actualmente vixentes.

Este venres compareceu na Comisión Especial da Fachada Marítima que preside o noso portavoz Francisco Jorquera, o director da Escola Técnica Superior de Arquitectura da Universidade da Coruña, Miguel Abelleira Doldán.

O portavoz do BNG no Concello, Francisco Jorquera, saíu hoxe ao paso da proposta de rebaixa das taxas e impostos municipais feita polo PP.

Este venres compareceron na Comisión Especial da Fachada Marítima, que preside o noso portavoz, Francisco Jorquera, o presidente e o secretario da Asociación de Usuarios do Porto da Coruña, Fernando Vidal e Francisco Peleteiro.

No Pleno de novembro, o portavoz do Goberno Local anunciou a intención de conxelar as taxas do concello en 2025. Faino despois de que o BNG durante esta semana lle advertise, no curso de conversas sobre as ordenanzas fiscais, que o único escenario que contemplabs era o da conxelación dos tributos municipais.

O Pleno de novembro aprobou as tres mocións formuladas polo grupo municipal do BNG: sobre o levantamento das peaxes da AG55 A Coruña-Carballo (da autoría de Jorquera), sobre a mellora das condicións laborais das traballadoras/es do servizos municipais concesionados (asinada por David Soto) e sobre o proxecto urbanístico das Percebeiras (defendida por Avia Veira). As dúas primeiras tiveron o apoio do PSOE e colleitaron a abstención do PP. A derradeira recibiu os votos afirmativos do PSOE e foi votada en contra pola bancada conservadora.

O BNG vai defender no Pleno deste xoves unha moción para o Goberno Local tomar medidas que permitan que as e os traballadores das empresas concesionarias do Concello vexan melloradas as súas condicións laborais.

BNG e PSOE asinaron no Acordo de Investidura do presente mandato un acordo que incluía a modificación puntual do PXOM nas Percebeiras, onde Metrovacesa planea un proxecto urbanístico que está a provocar unha grande contestación por parte da veciñanza de Labañou e de asociacións ecoloxistas.

O fío condutor do decreto sobre os proxectos estratéxicos da cidade é o de dotar o portavoz do Goberno Local “de amplas competencias” en actuacións “que mobilizan moitos cartos”. Concentrar, ademais, nunha soa persoa todo o poder decisorio sobre os proxectos estratéxicos da cidade “converte en papel mollado a remodelación do Goberno Local feita en xuño pasado”.