APROVERTAREMOS A COMISIÓN DE VOCEIRAS E VOCEIROS PARA PREGUNTARLLE AO ALCARDE POR ESTA NEFASTA XESTIÓN DO GOBERNO MUNICIPAL

Por que se perderon os 15 millóns dos fondos Edusi?

Mercado de Santa Lucía ao cal iría destinada unha parte dos fondos EDUSI que non foron asignados
Mercado de Santa Lucía ao cal iría destinada unha parte dos fondos EDUSI que non foron asignados

Exixirémoslle explicacións ao Goberno municipal sobre a perda de 15 millóns de euros de fondos EDUSI na Comisión de Voceiros que terá lugar este xoves día 6.

Xa temos solicitado por rexistro toda a documentación relativa á solicitude destes fondos europeos e á contestación dada polo Ministerio de Facenda e Administracións Públicas

Desde o Bloque lembramos que se trata da distribución duns fondos en base a unha convocatoria pública e non dun sorteo que dependa do azar polo que todo indica que esta perda de financiamento débese a unha mala xestión do Goberno municipal, que terá que facer un exercicio de autocrítica e rectificar de cara á nova convocatoria

Por que se perderon os 15 millóns dos fondos Edusi?

O noso Grupo Municipal, aproveitando a convocatoria ordinaria da Comisión de Voceiras e Voceiros prevista para mañá, xoves día 6 de outubro, exixiralle explicacións ao Goberno municipal a respecto da perda dos 15 millóns de euros dos fondos EDUSI e que deixan nunha situación moi crítica diversas actuacións que o propio Executivo tiña previsto financiar a través dos mesmos.

Xa que logo esta perda pode supor a paralización de diversos investimentos que se tiñan previsto realizar no próximo ano, tales como as actuacións nos mercados municipais de Monte Alto, Santo Agostiño, Durmideiras e Santa Lucía, ou os proxectos para a erradicación do chabolismo ou o mantemento e ampliación de diversos parques infantís na cidade, queremos que o propio Alcalde, na reunión convocada para mañá, dea explicacións de como se produciu esta perda e dea conta de cales foron eses “motivos técnicos” ao que se aluden desde o Ministerio de Facenda e AA.PP. e desde o propio Goberno Municipal.

“Onte mesmo, en canto transcendeu a noticia, solicitamos o inmediato acceso ao expediente completo do procedemento de convocatoria da Estratexia Integral de Desenvolvemento Urbano Sostible (Eidus) 2014-2020 incluída a contestación remitida polo Ministerio;  queremos saber de primeira man cales son os motivos polos que o Concello da Coruña quedou fóra destas achegas alén das explicacións que o propio o Alcalde nos dea mañá”, indica a nosa concelleira Avia Veira aos medios de comunicación.

Desde o Bloque lembramos que a asignación destes fondos realízase a través dunha convocatoria pública, que require do cumprimento dunha serie de documentación e procesos e que non se trata en ningún caso dun sorteo.

“A perda deste financiamento débese a unha mala xestión do Goberno municipal, que terá que facer un exercicio de autocrítica e rectificar de cara á nova convocatoria. ”, conclúia a propia Avia Veira no comunicado remitido desde o Grupo Municipal do BNG.

Por que se perderon os 15 millóns dos fondos Edusi?