"Estamos aquí ás portas da planta de Nostián para mostrarmos a nosa solidariedade coas traballadoras, ás que a empresa quer aplicar un ERTE que afecta 40 por cento do cadro de persoal ", dixo Francisco Jorquera, quen remarcou que Albada pretende tamén facer decaer o convenio colectivo, o que implica unha modificación sustancial "á baixa" das condicións laborais e salariais do conxunto dos operarios da instalación.

Ante esta situación, Jorquera pide ao concello que "opte definitivamente" pola intervención da planta "para asegurar un servizo básico para todas as coruñesas e coruñeses" e para salvagardar tamén "os dereitos das traballadoras e traballadores".