Explica Veira que o BNG formula esta pregunta após se reunir coa veciñanza afectada polo desenvolvemento urbanístico promovido pola Xunta en Monte Mero.

“Transmitíronnos a súa indignación porque tanto o PP, desde a Xunta, como o PSOE, desde o Goberno Local. se pasan a pelota os uns aos outros, sen escoitar o que as veciñas e veciños teñen que dicir e sen lles dar ningunha solución satisfactoria”, refire Veira.

En realidade, Inés Rey prometeulle á veciñanza que mantería unha reunión a tres bandas -ou sexa, coa participación do Goberno galego- “para que as propias veciñas visen como si as defendía diante da Xunta”.

A reunión non se produciu e en decembro pasado a alcaldesa comunicoulles que o encontro sería só coa veciñanza, neste mes de febreiro. A día de hoxe as veciñas e veciños que queren manter as súas casas aínda non foron convocadas a esa xuntanza.

“Desde logo desde o BNG non imos consentir que á xente de Monte Mero lle pase o mesmo que a de Elviña afectada polo desenvolvemento do coñecido como Parque Ofimático”, remarca Veira.

“Claro que se pode atopar unha solución a este problema, respectando a sustentabilidade na promoción das vivendas protexidas e a primeira que debería pelexar por ese obxectivo é a alcaldesa”, conclúe a concelleira.