A necesaria reordenación das liñas de autobús figura como un dos puntos do documento asinado o pasado 19 de xuño por BNG e PSdeG-PSOE, un acordo que viabilizou a investidura de Inés Rey.

“Potenciar o transporte público é unha peza clave na transformación das políticas de mobilidade que precisa a nosa cidade. Hai que reordenar liñas, reimplantar canto antes o carril bus e aumentar as frecuencias nos servizos de xeito que se adapten aos horarios de entrada e saída dos traballos das coruñesas e coruñeses”, afirma Avia Veira.