"O aumento do investimento neste proxecto a respecto do exercicio anterior é debido a actuacións previstas desde hai moitos anos. Aínda por riba, finánciase en boa parte con fondos europeos (o enlace ferroviario a Punta Langosteira, a dragaxe da Ría do Burgo...", indica Jorquera.

As ausencias clamorosas apuntan á que continúa sen se condonar a débeda que pesa sobre o porto da Coruña, unha clara discriminación a respecto do trato outorgado a València, cuxo débito si foi asumido nos orzamentos do Estado. Jorquera sinala tamén a "infradotación escandalosa" da liña ferroviaria A Coruña-Ferrol. "Pérdese unha nova oportunidade de modernizar ese traxecto e de o adecuar, ao tempo, para servizos de proximidade", remarca.

Canto ás partidas que se destinan para a reforma da Avenida da Vedra, a ampliación da Ponte Pasaxe e a prolongación do acceso ao Porto Exterior pola Cuarta Rolda só cabe cualificalas como "irrisorias", xulga o voceiro do BNG no Concello.