Porén, Jorquera bota en falta que na entrevista se abordase o futuro da fachada marítima da cidade. “A alcaldesa tampouco lle pediu a Sánchez que o Goberno español demandase a suspensión cautelar do veto á pesca galega. Si vai haber recurso, pero non suspensión cautelar, que é o único que pode garantir a non exclusión da nosa frota”, remarcou.

O voceiro nacionalista, quen estivo presente na recepción institucional a Pedro Sánchez en María Pita, tamén lamenta que no encontro non se tratasen outras materias pendentes como a modernización ferroviaria da liña A Coruña-Ferrol ou a cesión ao Concello da antiga prisión provincial con compromiso de restauración do inmóbel por parte do Estado.

Canto á cimeira hispano-alemá, a xuízo de Jorquera perdeuse a oportunidade de conseguir a complicidade de Alemaña no recurso ao veto á pesca galega.