"Non imos cambiar de políticas, imos seguir sendo coherentes, consecuentes, [email protected] e é[email protected]"

"Non imos cambiar de políticas, imos seguir sendo coherentes, consecuentes, [email protected] e é[email protected]"

IMG_20150524_230051A Coruña, 25 de maio de 2015.- O candidato do BNG-Asembleas Abertas, Xosé Manuel Carril, puxo de manifesto en declaracións aos medios tras coñecer o resultado das eleccións que “logo de catro anos de intenso traballo, sabemos o que é traballar na oposición fronte a un goberno que ten a maioría absoluta e que a empregou, precisamente, para destruír todo aquilo que enriquecía A Coruña como unha cidade galega, de barrios e pública”. “Precisamente, hai un cambio que hai que valorar positivamente, un cambio ao que contribuíu o BNG por eses catro anos de oposición, pois todos os temas que sacou o BNG estiveron na axenda e mesmo no programa das outras forzas políticas”, sinalou.

Neste contexto, Carril apuntou que para o BNG-Asembleas Abertas, o principal obxectivo neste novo escenario político é “continuar con ese traballo que vimos facendo estes catro anos, que é garantir que Todas As Coruñas estean presentes, garantir que haxa políticas galegas e de esquerdas, garantir que haxa servizos sociais públicos para corrixir as desigualdades sociais e que haxa tamén sectores produtivos dinámicos e enriquecidos para crear emprego e benestar”.

“Non obviamos os resultados, que non son bos para o BNG, pero tamén e certo que houbo moitas ansias e intencións de que o BNG desaparecera da Corporación municipal e seguimos estando na Corporación municipal”, afirmou. A continuación, Carril exclamou que “haberá que seguir roendo porque non imos cambiar de política, imos seguir sendo coherentes, consecuentes e, sobre todo, sinceros e éticos nas nosas posturas”. “O BNG-AA vai seguir na Corporación apostando por Todas As Coruñas porque aí esta o futuro da cidade”, concluíu.

O candidato nacionalista aproveitou a súa comparecencia ante os medios para agradecer o intenso traballo dos e das militantes e das simpatizantes do BNG e para parabenizar “a todas as forzas políticas, nomeadamente á Marea e Xulio Ferreiro”.

"Non imos cambiar de políticas, imos seguir sendo coherentes, consecuentes, [email protected] e é[email protected]"