PREGUNTA POR ESCRITO
Jorquera inquire ao executivo local que fixo para cumprir o compromiso da alcaldesa sobre Isowat
Isowat está nunha situación desesperada, á beira do fechamento, e o portavoz do BNG en María Pita, Francisco Jorquera, quer saber se, tal e como se comprometera co comité de empresa, a alcaldesa da Coruña, Inés Rey, fixo xestións xunto dos gobernos do estado e galego para procurar unha solución que evite a desaparición da fábrica coruñesa.
O certo é que a reunión da alcaldesa co comité de empresa foi en agosto e que a compañía, concluído xa o ERE temporal, se acha agora en pleno expediente de regulación de emprego por extinción.
No texto da iniciativa, unha pergunta por escrito, Jorquera inquire ao goberno local se a alcaldesa mantivo contactos cos executivos estatal e galego e se arrancou deles algún compromiso concreto.
Pergunta tamén Jorquera ao executivo coruñés como valora a destrución de emprego industrial que se está a verificar na cidade e na comarca e que estratexia vai impulsar para facer fronte a este fenómeno de enfranquecimento do tecido produtivo.
Máis novas
