Jorquera advirte sobre o risco que as verteduras supoñen para as persoas que transitan nesa área, nomeadamente ciclistas e motoristas.

As verteduras teñen como orixe o intenso tráfico de camións, en dirección entrada ou saída ao porto, que transportan graneis, “moitas veces sobrecargados ou cunha cubrición deficiente”, subliña Jorquera na exposición de motivos deste rogo.

O portavoz nacionalista insta o Goberno Local, en definitiva, a que “faga as xestións oportunas coas outras administracións competentes” -Autoridade Portuaria e Ministerio de Transporte e Mobilidade Sostíbel, titular da AC-10- para resolver esta situación.