REXENERACIÓN URBANA

Finalmente a merca de pisos do Goberno da Marea Atlántica é nula segundo o Consello Consultivo

Exterior da rúa Joaquín Martín onde está situado un dos pisos adquirido con irregularidades no proceso de adquisición
Exterior da rúa Joaquín Martín onde está situado un dos pisos adquirido con irregularidades no proceso de adquisición

No seu momento dixemos que o Concello tiña que ter aplicado as bases que rexeron o concurso de compra de vivendas xa que o deseñou el mesmo e que ao mercar dúas vivendas que incumprían as bases estaban vulnerando a libre concorrencia, agora o Consultivo confirma o que argumentaba o BNG

Cabe lembrar titulares das nosas notas de prensa remitidas en pleno apoxeo do conflito, como a enviada o 20 de febreiro: «Cómpre esta revisión porque o incumprimento das medidas das vivendas non se debeu á interpretación máis ou menos literal das normas do concurso senón a que o propio Concello non aplicou as bases que el mesmo deseñou e publicou admitindo ofertas e mercando dous pisos que non tiñan os metros cadrados sinalados na condición décima e polo tanto influíu na libre concorrencia»

É moi grave que na altura en que se produciu a polémica o concelleiro responsábel de Contratación o Sr. Lema afirmase que era mentira que se vulnerase a libre concorrencia cando hoxe o Consultivo sinala exactamente o contrario

Lamentamos que a Marea Atlántica non fose coidadosa con este concurso de compra pública de vivenda para aluguer social para garantir o seu éxito, sendo supostamente unha política chave do Goberno Municipal

Finalmente a merca de pisos do Goberno da Marea Atlántica é nula segundo o Consello Consultivo

A respecto da resolución do Consello Consultivo sobre o concurso de compra de vivenda para aluguer social confirma o argumentabamos cando estalou a polémica merca non outra cousa que o Concello tiña que ter aplicado as bases que rexeron o concurso de compra de vivendas xa que o deseñou el mesmo e que ao mercar dúas vivendas que incumprían as bases estaban vulnerando a libre concorrencia.

Lembramos, de feito, os titulares das nosas notas de prensa, como por exemplo a enviada o 20 de febreiro (ás que podes acceder na parte final desta nota no apartado noticias relacionadas): cómpre esta revisión porque o incumprimento das medidas das vivendas non se debeu á interpretación máis ou menos literal das normas do concurso senón a que o propio Concello non aplicou as bases que el mesmo deseñou e publicou admitindo ofertas e mercando dous pisos que non tiñan os metros cadrados sinalados na condición décima e polo tanto influíu na libre concorrencia.

Na devandita nota, tamén anunciabamos que na sesión extraordinaria da Comisión de Rexeneración Urbana que tería lugar o 21 de febreiro proporíamos que se revisase todo o proceso do concurso de compra de vivendas aplicándose axeitadamente as bases que o rexeron. Para nos, foi esa revisión a que deu lugar a que logo o Goberno levase a Xunta de Goberno Local a proposta de elevar ao Consultivo a compra da vivenda da rúa Barreira e a da rúa Joaquín Martín Martínez.

É moi grave que na altura en que se produciu a polémica o concelleiro responsábel de Contratación o Sr. Lema afirmase que era mentira que se vulnerase a libre concorrencia cando hoxe o Consultivo sinala exactamente o contrario.

O responsábel de contratación debía coñecer que cando se aplican laxamente unhas bases estase vulnerando a libre concorrencia e que cando nos procesos de valoración se aceptan condicións non recollidas nas bases estase vulnerando tamén ese principio, xa que, tal e como sinala o Consello Consultivo, calquera propietario dun inmóbel que renunciase á presentación de ofertas porque a súa propiedade non reúne os requisitos estabelecidos, podería considerarse afectado por interpretacións extensivas que permiten acceder á venda a quen non cumpre as bases.

Preguntámonos, pois, se logo de todas as afirmacións, e de todas as veces que o Goberno local se dixo e se desdixo sobre este asunto, é xusto que unicamente asuma responsabilidades e dimita a xefa de rehabilitación e vivenda.

Asemade, lamentamos que a Marea Atlántica non fose coidadosa con este concurso de compra pública de vivenda para aluguer social para garantir o seu éxito, sendo supostamente unha política chave do Goberno Municipal.

A Coruña, 12 de setembro de 2018. 

 

Noticias relacionadas:

Finalmente a merca de pisos do Goberno da Marea Atlántica é nula segundo o Consello Consultivo