O BNG rexistrou a solicitude de comparecencia para que o membro do Goberno Local dese conta de diversas irregularidades na súa xestión, nomeadamente no IMCE (Instituto Municipal Coruña Espectáculos) e no Consorcio de Turismo e Congresos.

Facturas irregulares pendentes de pagamento ou contratos verbais sen o necesario respaldo orzamentario son prácticas habituais neses entes do Concello, intolerábeis a xuízo do BNG.

Irregularidades que non se poden volver repetir e polas que o Goberno Local ten que facer unha dación de contas.

A xestión desta área do Goberno de Inés Rey está a anos luz dos estándares de rigor, transparencia e bo goberno que son esixíbeis a unha administración pública.