Carril explicará no Castrillón como lle afectará o PXOM ao barrio
A Coruña, 4 de setembro de 2012.- O portavoz do Grupo Municipal do BNG, Xosé Manuel Carril, participará na mesa redonda organizada pola A VV Castrillón-Urbanización Soto "IAR" para debullar como lle afecta ao barrio o PXOM aprobado provisionalmente polo PP. A partir das 19h no Centro Cívico do Castrillón, Carril explicará o voto en contra dos nacionalistas a un plan continuista co modelo urbanístico fracasado de Paco Vázquez e desmontará as mentiras artelladas polo Goberno do Sr. Negreira deste PXOM elaborado ao ditado das grandes construtoras.
O portavoz do BNG no Concello da Coruña denuncia que, a través deste PXOM, o PP regálalle á cidade aos promotores de sempre, que deben de estar encantados co Sr. Negreira. Lembra Carril que en comparación co documento de aprobación inicial de 2009, o Goberno local introduce cambios cualitativos que benefician os promotores e que prexudican a cidade, como a reclasificación do solo, o aumento da edificabilidade, o incremento das alturas en determinadas zonas de actuación, a diminución da porcentaxe reservada á vivenda protexida, o pelotazo da zona portuaria ou os mamotretos na península da Torre.
Máis novas
