“Fixemos unha campaña propositiva, en positivo. Demostramos coñecer os problemas e necesidades da Coruña. Demostramos ter proxecto de cidade. Foi unha campaña moi participativa, en diálogo permanente coa veciñanza”, afirma.

Jorquera ten a “clara percepción” de que o BNG foi medrando durante a campaña. “Fomos collendo máis forza día a día. Estamos claramente indo a máis”, engade.

Para o candidato do BNG á Alcaldía, cada vez son máis as coruñesas e os coruñeses os que perciben que “o Bloque é o voto útil para lle imprimir á nosa cidade o cambio de rumbo que precisa”.