A Coruña, 15 de outubro de 2012.- O BNG da Coruña, a través do seu portavoz, Xosé Manuel Carril, e da candidata número tres e deputada no Parlamento galego, Ana Luísa Bouza, amosou esta mañá o seu pesar polo accidente marítimo que aconteceu na tarde de onte na Coruña e transmitiulles aos familias e vítimas da persoa falecida os máis sinceros sentimentos de condolencia.

En declaracións aos medios, Bouza sinalou que o BNG se opón ao cobro polo servizo de salvamento, imposto por Feijóo desde a Xunta de Galiza. “Non é de recibo que fronte a un accidente marítimo se pregunte, en primeiro lugar, se a embarcación estaba asegurada”, expuxo a nacionalista. Nesta liña, acusou o PP de “facer negocio co salvamento de vidas humanas no mar” sobre un litoral que pacede a taxa máis alta de sinistralidade mortal de todo o Estado español.

“A decisión de Feijóo de privatizar o salvamento provocará poñer en risco a vida das persoas ante un posíbel rescate por mor do pagamento de 10.500 euros”, sinalou. “O afán recadador do PP deixa nunha grande indefensión as persoas, nomeadamente, as traballadoras do mar”, concluíu.