A Coruña, 4 de febreiro de 2016.- Logo da incomparecencia do Goberno municipal e o Grupo Municipal do PSOE á reunión convocada para onte polas nacionalistas, o Grupo Municipal do BNG aproveitará a Comisión de Portavoces de mañá para introducir o debate da proposta dos orzamentos para o 2016.

Entendendo que na Comisión se tratarán “Asuntos xerais”, e dadas as importantes consecuencias que ten o bloqueo da proposta de Orzamentos, o BNG sinala que porá enriba da mesa a súa preocupación porque os orzamentos sigan paralizados e por continuarmos cos orzamentos do PP prorrogados.

As nacionalistas sinalan que esta é unha iniciativa máis no seu empeño por acadar uns orzamentos que permitan que se apliquen na cidade políticas verdadeiramente novas, un cambio de políticas que a formación nacionalista procuraba apoiando o cambio de goberno.

Así mesmo, o Bloque pretende que se coñezan cales son as diferenzas concretas canto ao proxecto de orzamentos que separan o Goberno municipal do Grupo Municipal Socialista.

Artigos relacionados:

• Veira: “Tomamos a iniciativa e convocamos esta reunión para traballar con seriedade, con propostas"
• O BNG convoca á Marea e ao PSOE para dar saída aos Orzamentos 2016
• O BNG insta a Marea e o PSOE a que abandonen a dramatización nos Orzamentos 2016
• Orzamentos 2016: "Demandamos que se emitan por streaming as reunións Marea-PSOE" ironiza Avia Veira
• Por que nos achegaron onte os que "parecen ser" os Orzamentos 2016?
• Veira: “É insostíbel que se prorroguen indefinidamente os orzamentos do PP de 2015"