Veira quere saber se o Goberno Local é consciente destes problemas e se lle vai ordenar á empresa encargada do mantemento de firmes e calzadas que repare aquelas que se atopan en mal estado.

A concelleira nacionalista interésase tamén por outros asuntos que demandan unha rápida actuación do Executivo coruñés, desde os problemas de accesibilidade á zona do aparcadoiro da praza de Branca Quiroga até a falta de control do arborado da zona das palmeiras do barrio.

A ferruxe no peche e nos protectores da pista de patinaxe e os valados e cintas en mal estado que impiden o tránsito peonil na rúa Cutty Sark, fronte ao parque infantil, son outras circunstancias que merecen a atención por parte do Goberno Local, remarca Veira.