Residencia de Maiores Concepción Arenal

En resposta a preguntas por escrito formuladas pola deputada do BNG Mercedes Queixas, o Goberno galego recoñece que ten tramitado expedientes sancionadores á empresa concesionaria da Residencia de Maiores Concepción Arenal, situada na rúa Sebastián Martínez Risco.

A calidade asistencial na Residencia de Maiores Concepción Arenal ten caído moi significativamente nos últimos tempos, produto dun modelo de xestión privada que pon a maximación dos beneficios por enriba dos coidados das persoas maiores e dos dereitos laborais das traballadoras.