“A este Goberno Local faltoulle capacidade de presión e firmeza diante do Goberno central á hora de reclamar propiedades do Estado que puidesen engrosar o parque de vivendas municipais para dese xeito contribuír a paliar as enormes dificultades que teñen as coruñesas e os coruñeses á hora de acceder a unha morada en réxime de aluguer”, afirma a concelleira e número dous da candidatura do BNG, Avia Veira.