Moción dos Mallos

O portavoz do BNG en María Pita, Francisco Jorquera, anunciou esta mañá que o grupo municipal nacionalista condicionará “calquera acordo orzamentario” no Concello a que os compromisos contidos na moción dos Mallos, aprobada por unanimidade nesta mesma sesión, teñan tradución nas contas da institución local para o próximo exercicio.

Os problemas do barrio dos Mallos, moitos deles comúns a outras zonas da cidade, requiren dunha abordaxe global e integral que integre distintos aspectos, desde o securitario até o social, desde as dificuldades para acceder a unha vivenda digna até as cuestións relativas á mobilidade e á conectividade.

A proposta lanzada hai uns días polo BNG –que os distintos grupos municipais acordasen unha moción conxunta sobre a situación que se está a vivir nos Mallos- chegou a bon porto e será debatida no Pleno deste xoves 7O.