ERTE da Refinaría

Máis de mil persoas foron esta mañá en manifestación polas rúas da cidade, desde a Praza da Palloza até María Pita, contra o ERTE decretado por Repsol na refinaría. Canda elas marcharon Francisco Jorquera e Avia Veira, ben como a deputada Mercedes Queixas e os tamén parlamentares Ramón Fernández Alfonzo 'Mon' e Daniel Castro. A mobilización foi un clamor contra un ERTE inxusto e non xustificado. O Ministerio de Traballo e Xunta non o deberían desouvir.