En concreto, Jorquera quere saber se o proxecto vai implicar a talla de oito árbores de grande porte situados na rúa Marcela e Elisa, moi perto da praza.

En caso afirmativo, o portavoz nacionalista inquire o Goberno Local se non existen alternativas distintas a se desfacer destes exemplares.

“Cómpre lembrar que as árbores non só proporcionan sombra, embelecen a cidade e dan soporte a distintas formas de vida, senón que tamén son esenciais na loita contra as alteracións climáticas, pois actúan como sumidoiros de carbono e nas épocas de calor contribúen para moderar a temperatura, atemperando as chamadas illas de calor, provocadas polo asfalto, os edificios e as emisións dos vehículos”, explica.

En calquera caso, o BNG entende que é necesario protexer o patrimonio arbóreo da cidade -xa ben escaso- “e por iso non se deben substituír árbores de grande porte por outras de recente plantación”.