O Bloque Nacionalista Galego da Coruña convoca o próximo xoves 22X un Encontro Público para compartir con entidades da cidade e veciñanza os primeiros pasos do novo mandato en María Pita.

No acto, que terá lugar no patio interior da Fundación Luís Seoane (19.30 horas), o BNG explicará o proceso que levou á redacción do Acordo de Investidura e os obxectivos que se marca a formación nacionalista como forza determinante no Concello.

Este encontro será o primeiro dunha serie de actos públicos que ao longo do mandato –e co lema xenérico de Fío Directo co BNG- o Bloque fará para ter un contacto o máis directo posíbel coas coruñesas e os coruñeses.

Este venres, as persoas integrantes do novo grupo municipal do BNG –Francisco Jorquera, Avia Veira, Mercedes Queixas e David Soto- acudiron ao Pazo de María Pita para, xa unha vez recibidas as súas actas, lle facer entrega ao secretario do Concello das súas respectivas declaracións de bens.