No vídeo, entre outras mulleres, interveñen a deputada Mercedes Queixas e a concelleira Avia Veira.

As concursantes teñen que acertar definicións como "primeira organización que presentou unha candidata á presidencia da Xunta?", "individuo que pecha paritorios", "sinónimo de feminismo liberal" ou "obxecto co que as mulleres adoitan chocar na contorna laboral".

O BNG, que celebra así o Dia Internacional das Mulleres nas redes, quere celebralo tamén nas rúas e por iso chama a participar nas convocatorias do feminismo galego para este 8M, todas elas convocadas baixo estritas e escrupulosas medidas de seguranza dado o contexto de pandemia en que vivimos.