O BNG denuncia que o incremento da presión fiscal por habitante en 2013 foi de 11,8%
A Coruña, 7 de abril de 2014.- O Grupo Municipal do BNG denuncia que o incremento da presión fiscal por habitante en 2013 foi de 11,8%, así o que pagou de promedio cada coruñés foi de 622,76 euros, 65,64 euros máis que en 2012.
A liquidación do orzamento de 2013 pon de manifesto que non houbo conxelación fiscal, que subiron os impostos e que a cidadanía coruñesa pagou máis.
| LIQUIDACIÓN INGRESOS | 2013 | 2012 | 2013-2012 | 2013-2012% |
| Capítulo 1 impostos directos | 94.081.012,88 | 89.057.937,87 | 5.023.075,01 | 5,640232786 |
| Capítulo 2 Impostos indirectos | 8.669.412,25 | 7.298.667,52 | 1.370.744,73 | 18,78075315 |
| Capítulo 3 Taxas, prezos públicos e outros ingresos | 50.401.201,89 | 40.775.179,72 | 9.626.022,17 | 23,60755302 |
| Total | 153.151.627,02 | 137.131.785,11 | 16.019.841,91 | 11,68207786 |
| Número de habitantes | 245.923 | 246.146 | -223 | -0,09059664 |
| Presión fiscal/habitantes | 622,7625192 | 557,1156351 | 65,64688417 | 11,78334982 |
O BNG sinala que a liquidación mostra que o total recadado polo Concello durante o 2013 no capítulo 1 impostos directos (aqueles que revirten nas propiedades físicas dos cidadáns, a renda xerada por unha actividade empresarial/comercial e plusvalías), foi de 94.081.012,88 millóns de euros, un 5,64% máis que en 2012. Así, por exemplo, no Imposto de Bens Inmóbeis de Natureza Urbana (IBI) en 2013 recadouse 57.453.680,35 millóns de euros, fronte aos 53.325.253,26 de 2012, un 7,19% máis, e no Imposto de Actividades Económicas (IAE) o Concello recadou 11.614.221,84 millóns de euros en 2013, fronte aos 11.405.226,53 de 2012, un 1,8% máis.
Tamén mostra a liquidación que o total recadado no capítulo 2 impostos indirectos foi de 8.669.412,25 millóns de euros, un 18,78% máis que en 2012; e que no capítulo 3, taxas, prezos públicos e outros ingresos, foi de 50.401.201,89 millóns de euros en 2013, un 23,60% máis que en 2012. Así, por exemplo, entre outras taxas cómpre sinalar que o recadado en 2013 polo servizo de sumidoiro foi de 2.944.630,36 millóns de euros, fronte a 2.684.404,16 en 2012, un 8,84% máis; na taxa de recollida de lixo en vivendas foi de 8.652.245,50 millóns de euros en 2013, fronte aos 7.698.514,88 en 2012, un 12,03% máis; na de servizos fúnebres e de cemiterios foi de 963.524,46 euros en 2013, fronte 909.003,91 en 2012, un 5,66% máis, ou o recadado polo servizo de axuda a domicilio foi en 2013 de 432.745,46 euros, fronte aos 267.137,06 de 2012, un 38,27% máis.
A liquidación de 2013, salientan as nacionalistas, pon de manifesto que o Partido Popular incrementou a presión fiscal nun 11,8%, encarecendo a vida dos cidadáns da Coruña e desmentindo a suposta conxelación fiscal da que tanto presume, día si, día tamén, o Sr. Negreira e o seu Goberno nas súas distintas declaracións. O Goberno Municipal segue a subir os impostos desde que goberna a cidade, provocando que os seus habitantes teñan que pagar máis.
