O BNG enviou aos medios unha nota de prensa sobre a iniciativa rexistrada por Mercedes Queixas e a reacción inicial da alcaldesa, en declaracións a Radio Voz, foi a de botar balóns fóra.

"Nós non o contratamos. É un concerto que trouxo unha promotora privada. Nós cedemos o espazo como a calquera outro promotor que cumpre unha serie de requisitos. Mais nós non podemos cancelar algo que non contratamos, promovemos ou financiamos. É competencia da promotora", dixo.

Mais o que o BNG lle pedía no rogo oral é que o Goberno Local realizase xestións para que a promotora cancelase a actuación no marco dun festival que conta coa colaboración do Concello.

Tratábase pois de facer unha chamada á promotora e pedirlle que se cancelase o concerto por o considerar non grato para unha cidade que rexeita a violencia machista.

Finalmente, a alcaldesa corrixiu a súa reacción inicial -a de botar balóns fóra e desprazar a responsabilidade á promotora- e acabou facendo o que lle pedíamos, cousa que celebramos.