Porén, ao grupo municipal nacionalista cónstalle que esas condicións non só non teñen mellorado, senón que, ao contrario, se teñen deteriorado.

É por isto que o noso concelleiro David Soto vai levar o asunto ao Pleno deste xoves cunha pregunta oral que reza como segue: “Á hora de redactar os pregos dos servizos municipais concesionados, que lle importancia lle dá o Goberno Local á mellora das condicións laborais das e dos traballadores?”.

A xuízo do BNG, o Goberno de Inés Rey non está a apostar pola mellora da situación laboral do persoal dos servizos municipais prestados en réxime de concesión.

“Estamos a ver circunstancias grave: impagamentos, salarios que non se actualizan conforme ao aumento do custo da vida... E naturalmente as e os traballadores reaccionan con mobilizacións, por exemplo o persoal monitor das actividades deportivas municipais, as traballadoras das escolas infantís dependentes do Concello  ou os conserxes das instalacións deportivas”, refire Soto.

“Sempre que o BNG ten sentado co Goberno Local para negociar uns orzamentos temos posto sobre a mesa a situación destas traballadoras e traballadores. Preocúpanos moito que o Goberno de Inés Rey non se tome en serio este asunto e ímoslle esixir que, en cumprimento dos acordos aos que ten chegado co BNG, mellore de vez a situación laboral do persoal dos servizos municipais concesionados”, conclúe.