Sendo que o estudo de impacto cultural feito polos promotores da urbanización de Santo Amaro nega a evidencia –afirma que non existen restos da Fonte do Picho, cando a auga continúa a aflorar á superficie-, a concelleira do BNG Avia Veira pídelle ao Goberno Local que o Concello elabore informes propios con vistas a protexer o patrimonio cultural e natural desta área da cidade.

A concelleira do BNG Avia Veira vai levar ao Pleno unha iniciativa para que nas obras de urbanización de Santo Amaro se vixíe se existen restos do patrimonio histórico e arqueolóxico dunha área da cidade na que en tempos houbo un castelo, unha fonte e unha capela.