ria-do-burgo
Novas
Imaxe aérea do peirao de Oza desde o barrio dos Castros

Por un posicionamento rotundo en contra da construción da planta de hidrocarburos en Oza

Avanzamos o noso apoio á proposta de moción da A.VV. Oza Gaiteira Os Castros para que o Concello da Coruña amose publicamente o rexeitamento á construción dunha Planta de pretratamento de aceites industriais e hidrocarburos no Peirao de Oza

Cualificamos como de “despropósito” que a Consellaría de Beatriz Mato pretenda instalar na bocana da Ría do Burgo esta Planta tendo xa presentado unha batería de iniciativas no Parlamento de Galiza para impedir a construción desta infraestrutura

A instalación prevese nunha localización a menos de 500 metros de bancos de produción marisqueira, ao carón de sendas praias (Oza, Santa Cristina e Bastiagueiro), ao carón dun complexo náutico deportivo, dentro do conxunto urbano do barrio de Oza, asiduamente atacado por ser a zona dos peiraos da Coruña onde se teñen desenvolto actividades altamente contaminantes, causantes dunha contrastada polución medioambiental, como descargas de carbón e outros materiais, e por existir desaugues ou canalizacións que teñen producido filtracións e verteduras de hidrocarburos. Basta xa de ataques medioambientais á nosa ría e ao barrio de Oza. Imos esixir xunto coa Asociación de Veciños Oza Gaiteira Os Castros a retirada inmediata do proxecto

Ler novas
Novas
Xosé Luís Rivas Mini e Vitoria Louro, xunto coas concelleiras e cos concelleiros da comarca, diante do Santiago Apóstolo coa Ría do Burgo ao fondo

Propoñemos investimentos para sanidade, servizos sociais, educación, infraestruturas e para a Ría do Burgo

Presentamos as nosas alegacións aos Orzamentos da Xunta de Galiza fronte ao Centro Santiago Apóstolo como símbolo do abandono e dos recortes nos servizos públicos do Partido Popular á fronte do Goberno galego

Segundo o noso parlamentario Xose Luis Mini Rivas “Os orzamentos da Xunta de Galiza responden a un modelo neoliberal e procuran a consolidación dos recortes mais fronte a iso a alternativa do BNG reflectida nas nosas emendas pasa pola defensa dos servizos públicos como ensino, a sanidade ou os servizos sociais mais tamén pola creación de emprego de calidade”

Vitoria Louro, a nosa responsábel comarcal, denunciou que os orzamentos da Xunta de Galiza marxinan a comarca da Coruña e a cidade da Coruña malia ser unha das zonas máis poboadas do país e un dos seus motores económicos

Ler novas
Novas
Vista aérea do porto de Oza cos pantaláns deportivos en primeiro termo

Novo ataque á Ría do Burgo e ao barrio de Oza: a Xunta aproba construír unha Planta para hidrocarburos no peirao de Oza

Presentamos unha batería de iniciativas no Parlamento galego para impedir a construción desta Planta de tratamento de aceites e hidrocarburos na bocana da Ría do Burgo

A autorización da Xunta de Galiza para a instalación desta planta de almacenaxe e pretratamento de aceites industriais e hidrocarburos no Peirao de Oza da Coruña asemella outra das actuacións sen sentido ás que nos ten afeita a Consellaría de Medio Ambiente e Ordenación Territorial, amosando, asemade, o seu total desprezo para co medio ambiente nunha contorna constantemente agredida como a da Ría do Burgo

Pese ao informe técnico do Departamento de Xestión Enerxética e Residuos Urbanos do Concello da Coruña, recollendo as indicacións da Ordenanza Municipal de Vertidos e do Servizo Municipal de Saneamento, no que se indicaba que este proxecto «pode causar impactos ambientais significativos e que se trata dunha zona de sensibilidade especial», e recomendaba establecer medidas adicionais a considerar antes da aprobación do proxecto que «debería ser obxecto dunha avaliación ambiental ordinaria, e non simplificada», finalmente a Consellaría de Beatriz Mato decidiu seguir para adiante co proxecto, o que evidencia o que lle importa a cidade á futura candidata do Partido Popular

Ler novas
Novas
Visita de Ana Miranda á ría do Burgo o 25 de maio de 2017

Presentada xa a primeira iniciativa despois da visita da semana pasada de Ana Miranda á Ría do Burgo

Presentamos xa no Parlamento europeo unha iniciativa para lle esixir ao Goberno do Estado os investimentos necesarios para a rexeneración e dragado de lodos da Ría do Burgo

Despois da visita na semana pasada de Ana Miranda, a nosa representante en Europa, ao mesmo lugar onde a Comisión europea realizou a propia en 2013, e despois de comprobar que a contaminación da Ría do Burgo e que o nivel de lodos presenta as mesmas medicións que naquel momento, instamos á Comisión europea a realizar as accións necesarias para que se dote de fondos para o saneamento da nosa Ría

Tal e como adiantabamos a semana pasada, contemplamos seriamente presentar unha nova denuncia nas instancias europeas pola inexecución das resolucións do informe de 2013

Ler novas
Novas
Unha das medicións de lodos realizadas está mañá por Ana Miranda, deputada do BNG no Parlamento europeo, e Manuel Baldomir, presidente da agrupación de mariscadores

Catro anos despois todo segue igual na Ría do Burgo: denunciaremos no Parlamento europeo a inacción do Estado

O Estado Español para recortar ben que cumpre as directrices europeas, mais para cumprir con políticas que son boas para xente, e para a comarca da Coruña, para que a Ría do Burgo xere actividade económica, cree emprego, para potenciala como eixo produtivo, está desaparecido

Hoxe volvimos ao mesmo lugar onde a Comisión de Peticións realizou en 2013 a comprobación in situ da contaminación da Ría do Burgo para facer revisión do seu informe emitido naquela altura e no que se instaba ao Goberno do Estado a investir os fondos económicos necesarios e a non escatimar esforzos para limpala de xeito urxente, a rexenerala e a retirar así como tratar os lodos

Xa anunciamos que nos dirixiremos de novo á Comisión de Peticións para lle solicitar unha revisión dese informe e que presentaremos iniciativas dirixidas á Comisión Europea a través do Parlamento Europeo para que o Estado Español dea conta dos seus propios incumprimentos

A nosa portavoz en Europa, Ana Miranda, tamén avanzou que contemplan seriamente presentar unha nova denuncia nas instancias europeas pola inexecución das resolucións do informe de 2013

É moi triste comprobar, como fixemos hoxe coa medición dos lodos, que seguen tendo o mesmo nivel que naquel día de principios de 2013 e como non se realizou ningunha das actuacións que no informe se instaban a facer. Para o BNG a Ría do Burgo é unha prioridade e parécenos unha vergoña tanto as asignacións que ano tras ano se introducen nos orzamentos do estado como a non execución das mesmas, tal como denunciou hai pouco máis dun mes a nosa portavoz nacional Ana Pontón

Ler novas
Vídeo
Visita de Ana Miranda á ría do Burgo o 25 de maio de 2017

Visita de Ana Miranda á ría do Burgo o 25 de maio de 2017

Visita da deputada no Parlamento europeu polo BNG, Ana Miranda, á Ría do Burgo para facer revisión das actuacións recollidas no Informe da Comisión de Peticións europea no que se instaba ao Goberno do Estado a a investir os fondos económicos necesarios e a non escatimar esforzos para limpala de xeito urxente, a rexenerala e a retirar así como tratar os lodos.
Ler novas
Novas
Un dos momentos da presentación dos orzamentos xerais do Estafo feita polo ministro Cristóbal Montoro

Unha moción para instar o Goberno do Estado incluír os investimentos necesarios para A Coruña nos orzamentos 2017

Solicitaremos o acordo do Pleno deste luns para que o Concello da Coruña inste o Goberno do Estado incluír os investimentos necesarios para a cidade e a súa área metropolitana nos orzamentos xerais

Presentamos unha moción na que, entre outras actuacións, se esixe que se garantan as partidas necesarias para a Ría do Burgo, o Porto Exterior, a Estación Intermodal, Alvedro, ou os servizos ferroviarios de proximidade

Os investimentos redúcense mais dun 40 % na nosa cidade e na súa área metropolitana, como xa dixemos en canto se presentou a proposta de orzamentos e, de xeito obsceno, renuncian ao desenvolvemento económico, a xeración de emprego, prescinden da mobilidade sostíbel ou da rexeneración da Ría do Burgo, sendo as propostas que se achegan esmolas sen criterio en partidas feitas que descoñecen as necesidades reais da Coruña

Ler novas
Novas
Imaxe do Congreso das deputadas e dos deputados

Uns orzamentos do Estado dos que desaparecen A Coruña e a súa área metropolitana

Os investimentos previstos nos orzamentos xerais do Estado para a comarca esquecen demandas históricas necesarias, renuncian de xeito obsceno ao desenvolvemento económico e a xeración de emprego e prescinden da mobilidade sostíbel e á rexeneración da Ría do Burgo. Son, en definitiva, un desprezo á Coruña e esmolas sen criterio distribuídas nunhas partidas feitas sen o coñecemento das necesidades reais da nosa cidade”

A proposta de orzamentos amosa até que punto a ausencia de forzas propias no Congreso, co centro de decisión no Pais e non subordinadas a outro tipo de organizacións de ámbito estatal, castiga a nosa nación e é a proba do moi elevado custe que ten para Galiza a submisión de Feixóo a Madrid, a súa falta de peso político e como a súa xestión sempre vén determinada polos intereses do Partido Popular e non por resolver as necesidades e demandas das galegas e dos galegos

Consideramos escandaloso que os investimentos se reduzan mais dun 40 % na Coruña e na súa área metropolitana obviando novamente, entre outras actuacións prioritarias, a Ría do Burgo, o Porto Exterior, o Aeroporto e a mobilidade

Nas partidas que se presentaron onte se reiteran as grandes eivas amosadas en anos anteriores acentuándose a ausencia de investimentos reais que teñan por obxecto a consideración da área urbana como motor social e económico da comarca

Ler novas
Novas
Momento da rolda de prensa na que presentabamos as nosas propostas de emenda para investimentos na Coruña

Emendas por valor de 26 millóns de euros: apostar por actuacións concretas na Coruña

Presentamos as emendas aos orzamentos da Xunta para 2017 por valor de case de 26 millóns de euros en actuacións concretas na cidade da Coruña, entre outras, na Ría do Burgo, Ensino, Sanidade, Infraestruturas ou Rehabilitación

O noso deputado Xosé Luís Rivas “Mini” sinalou hoxe na Coruña que os orzamentos que presentou Feijóo son continuístas e destinados só para pagar débeda, non responden ás necesidades reais de Galiza e do pobo e con investimentos que vaian destinados a saír da crise e en beneficio das maiorías sociais

Desde o BNG entendemos que se debe investir na cidade en actuacións que levamos anos demandando: a Ría do Burgo, no colexio para Novo Mesoiro, no centro de saúde para Santa Lucía ou en infraestruturas no enlace do aeroporto coa AP-9. E novamente, como ano tras ano, as prioridades do Partido Popular non pasan por aí, e é por iso que nós seguiremos poñendo enriba da mesa estas actuacións como urxentes e prioritarias

Ler novas